قريبــا ... سيتم إطلاق موقعنا في حلة جديدة

معتقدات شامية...



في هذة التدوينة بعض الاقوال والافعال التى تطبع بها الكثير من الناس وخصوصا في بلاد الشام, واصبحت ملازمة لدى الكثير في اقوالهم وافعالهم..
  طبعا هذة المعتقدات تقال غالبا للفكاها,بلرغم من تصديق بعض الناس لها وهذا من قلة المعرفة لدى البعض ...
· اذا انكسرت كاسة يقال: انكسر ‏الشر
· من يأكل من رغيف غيره يخاصمه و ‏يعاديه ( كتير بتكون قاعد مع اسرة شامية على سفرة الاكل ‏و بتلاقي الام عم تخانق ابنها لانو ‏اكل من خبزة اخوه : ليش قال اذا اكل من خبزة اخوه بيتخانق معو (
· اذا مر حدا فوق الطفل ما راح يطول ( انو اذا طفل صغير مسطح ما بصير حدا يمر من فوقوا ليشششش لان ما بعود ‏بيطول الولد بيطلع قصير؟؟!!! و متل ما بقول المتل فشخة حية ولا فشخة بنية(
· ‏قص الاظافر بالليل مو منيح (لا تسألو ليش ما بعرف ولا حدا بيعرف بس مو ‏منيح و خلص (
· ‏مراششة الماء فراق (ما بصير حدا يرش رفيقو بالمي لان بعدين ‏بيتفرقوا (
· ‏للي بيفوت على بيت جديد بيفوت معه عرق اخضر و مقص و مصحف و ‏يدخل بالرجل اليمين
· ‏اذا اجت الكندرة فوق الكندرة يعني رايحين مشوار
· ‏اذا زحف الولد او زقزقت العصافير معناها جاينا ضيوف
· ‏ذا طنت ‏ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا ‏بالعاطل
· ‏اذا كان في خناقة بيقولوا اقلبوا الصرامي لتحمى الخناقة (شماتة ) ‏الله لا يشمت حدا فينا
· ‏اذا رفت عيني اليمين بيكون جاينا خبر طريف
. ‏ذا رفت عيني الشمال بيكون جاينا خبر مو منيح
· ‏اذا حكني حاجبي ‏معناها بدنا نستقبل حدا جاي من السفر
· ‏و ما بصير الحمام بالليل
· و ‏ما بينفع كب المي بالبلوعة بالليل من غير التسمية بالله و الاستعاذة أولا (يالطيف ‏مشان ما يأذونا ولا نأذيهن (
· واذا شفت مقص مفتوح لازم فورا ‏تسكرو ( لانو المقص الفاتح تمو بيعمل خناق(
· ‏وما بيصير نفتح ونسكر المقص كتير ‏كمان بيعمل خناق
. إذا عمل العصفور تحتو على ‏الأواعي يعني جاييكون رزقة
· ‏و دلق القهوة رزقة
· و شرب المي بعد القهوة ‏قلة زوق
· إذا حكني كفي اليمين معناها بدي أقبض مصاري
‏و إذا حكني كفي ‏اليسار معناها بدي أدفع مصاري
· ‏و اذا الولد الصغير كتير ابن الشهور ‏عم يضحك لحالو ‏بيقولو الملايكة بتكون عم تحاكيه
· و كمان في اعتقاد انو اذا ‏البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها ‏أبداً
· وكمان يلي حامل بصبي بتتباشع ‏ويلي حامل ببنت ‏بتحلا
· و كمان إذا حدا صبلك شاي او قهوة ‏وملى الفنجان كتير بكون قلبوه مليان منك واذا صبها ناقصة ‏هدا دليل على انو هالشخص ناقص
· واذا عندك ضيف ثقيل دم وبدك يروح من ‏عندك على السريع شك دبووس او ‏عدة دبابيس بأيد المقشة او اقرأ ‏سورة الزلزلة
· واذا خايف من عين اتصيبك جيب ورقة ‏واكتب عليها اسم الشخص الي خايف ‏من عينو وغزها بالدبوس وانت عم ‏تقراء المعوذات وتقول من عين افلان و تنفخ
· والي بعد النجوم بيطلعلو تالولات ‏بايدو
· وبعد ما نخلص صلاة نطوي السجادة ‏مشان الشيطان ما يصلي عليها (معلش خليه يصلي وياخود ثواب ‏)

عذرا على كتابة بعض الكلمات بلعامية الشامية وذلك لادراج المقولة كمى هية..


هناك 9 تعليقات:

  1. ههههههههههه شي الصرآحه ..
    يعطيك العآفيه على طرحك الرآئع

    ردحذف
  2. جميل ورائع جداً

    شكرا لك على ثقافتك وتعريفنا عليها

    ردحذف
  3. العفو... ومن دواعي سروري.
    وشكرا لمروركم.

    ردحذف
  4. أخى الفاضل : د/ محمدعلى
    السلام عليكم ورحمة الله وبركاته
    من العجيب ان تجد كثير من المعتقدات والعادات والتقاليد
    فى الأقطار العربية متشابهة إلى حد بعيد.
    هذه المأثورات بعضها قد يكون ساذجاً والبعض قد يكون بالفعل واقعياً.
    استمتعت كثيراً بهذه اللمسة الشامية
    تقبل تقديرى واحترامى
    أخوك
    محمد

    ردحذف
  5. يعني بعضها مقنع قليلا مثل شرب الماء بعد القهوة
    لأنو صحيا يفضل قبل القهوة حيث أنها مدرة للبول..
    وتبقى عادات واعتقادات بعضنا يأخدها مزاحا...وآخرون يؤمنون بها إيمانا مطلقا وقد يخرجوك من الملة إن خالفتهم
    تحياتي وتقديري

    ردحذف
  6. المشكلة هي ترسخ بعض هذة المعتقدات في الافعال اليومية ممى تودي الى الايمان بهاومن ثم تصبح سنة فرضية :)
    شكرا جزيلا على مروركم الطيب.

    ردحذف
  7. السلام عليكم.الاخ العزيز لقد اعدت ذاكرتي للوراء لاكثر من 20 عاما .شكرا

    ردحذف
  8. الاخ د.باسل
    ---------------
    اهلا وسهلا بك صديق المدونة
    وشكرا لمرورك الجميل

    ردحذف
  9. اولا اشكرك دكتورنا العظيم علي الموضوع القيم المفيد

    ثانيا احب اقول شىء هي معتقدات قديمة من الجدود تعتبر وراثة

    ولكن مع تطور العلم وخصوصا هذا القرن لا تسوي شىء غير ذكرها والضحك علي هذه المعتقدات

    بارك الله فيك .د

    يسلمو عيونك

    لك تحياتي

    ردحذف

Qui êtes-vous ?

يتم التشغيل بواسطة Blogger.

Archives du blog

المتابعون

Banner4

Banner4

Banner3

Banner3

أقسام المدونة

كن من اصدقائنا على الفيس بوك

التسميات

ليصلك جديد المدونة عبر بريدك الألكتروني

ومن هنا دائرة اهتماماتي

FACEBOOK twitter youtube خلاصة التدوينات

شيفرة المدونه للجوالات الذكيه

شيفرة مدونةد.محمد النائب

التدوينات الأكثر قراءه هذا الأسبوع

صفحة الأستفسارات الطبية

آخر المواضيع

مساحة إعلانية

عن القالب

أكثر المواضيع زيارة خلال هذا الشهر

أكثر المواضيع زيارة في المدونة

مرحبا بكم

حدث خطأ في هذه الأداة

اتصل بنا

الاسم

بريد إلكتروني *

رسالة *

أرشيف المدونة الإلكترونية

You can replace this text by going to "Layout" and then "Page Elements" section. Edit " About "

التسميات